Эпидемиологиявий ҳолат кучайиб бораётгани сабабли қайта фавқулотда ҳолат тартибини жорий қилиниши масаласи бугун кўриб чиқилади. Республика штабида бу масала муҳокамага қўйилиши ҳақида соғлиқни сақлаш вазирининг ўринбосари Мадамин Қаратаев бугун, 25-июндаги брифингда маълум қилди.
«Бугун республика штабида яна муҳокама қиламиз. Кўриб турибсизлар, энг оғир вазиятда Бишкек шаҳри, Чуй вилояти, Ўш шаҳри, кейин Ўш вилояти бўлмоқда. Шунинг учун ҳолатни бир томонлама кўрмай, барча омилларни эсга олган ҳолда, ундан кейин ҳукуматимиз қарор қабул қилади деб ўйлайман », – деди М.Қаратаев.
